Lagalisti - ATH ÞESSI SÍÐA ER Í VINNSLU

1. Lítill svartur maður - Bubbi (TV-myndband 1987)
2. Rétt númer - Bubbi (TV-myndband febrúar 1988)
3. Undir tungunnar rót - Bjarni Ara (af plötunni; Þessi eini þarna, 1988)
4. Stóri bróðir - Pandóra (af plötuni; Pandóra, 1990)
5. Það ert þú - Galíleó (af safnplötunni; Bandalög 4, 1991)
6. Upp í sveit - Stjórnin hans Bubba míns (Promo, 1995)
7. 20 rásir - Paparnir (af plötunni; Leyndarmál frægðarinnar, 2004)
8. Vorvísa - Paparnir (af plötunni; Leyndarmál frægðarinnar, 2004)
9. Hjartað þitt - Eyþór Ingi (af promo-smáskífu, 2007)
10. One More Day - Jógvan Hansen (úr söngvakeppni Sjónvarpsins 2010
11. Strákarnir okkar (Útvarps kynningar SD, janúar 2011) 
12. Vertu með - Jónas Sigurðsson (kynningarútgáfa fyrir Ruaðkrossinn 14.2011)

Athugsemd

Það efni sem hér er listað á það sameiginlegt að hafa ekki komið út á plötu eða í flutningi Bubba. Þetta eru textar (lög) sem hafa komið til sýningar eða kynningar ýmist með Bubba eða aðrir sungið lag eða texta þar sem Bubbi er skráður höfundur. Með örðum orðum, hér er efni sem fellur ekki undir aðrar þá flokkar sem við höfum. Upplýsingar um einstök lög er að finna hér fyrir neðan.

1) Myndbandið varð til á þeim árum sem Hrafn Gunnlaugsson kvikmyndagerðarmaður var einn af stjórnendum sjónvarpsins og opnaði hann dyrnar fyrir popp og rokktónlistarmenn við misjafnar undirtektir siðgæðispostulanna sem engu vildu breyta hjá stofnuninni. Lítið er vitað um annað en að textinn er eftir son Hrafns og lagið líklega eftir Bubba en hverjir leika undir þarna er óvitað.

2) Innlegg Bubba í umræður um einelti í skólum sem var mikið á þessum tíma. Til aðstoðar við undirleik fékk Bubbi hljómsveit sem kallaði sig Hljómsveitin E-X. Hana skipuðu: Pétur Hallgrímsson: Gítar ; Davíð Magnússon: Gítar ; Ragnar Óskarsson: Bassi ; Eyjólfur Lárusson: Trommur. Myndbandið fékk talsverða spilun í sjónvarpi.

3) Þetta lag stóð út af þegar Bubbi var að vinna plötuna Dögun. Hann fékk það Bjarna Ara. En nokkur breytt textaútgáfa þess kom út á Viðhafnarútgáfu plötunnar Dögun 2006.

4) Lítið vitað hvernig það kom til að Bubbi ljáir bandinu þetta efni.

5) Sævar Sverrisson söngvari Galileó er gamall góðvinur Bubba og hefur sungið með honum bakraddir. Hér leggur hann sveitinni til lag sem kom út á einni af safnplötum hjá Steinari hf.

6) Þetta lag var hljóðritað að tilstuðlan Bylgjunnar vorið 1995 en Bylgjan var þá að leggja upp í ferð um landið undir yfirskriftinni Upp í sveit. Björgvin Halldórsson var útvarpsstjóri á þessum tíma og til stóð að hnn myndi syngja í þessu gamla Brimklóararlagi en þar sem hann var staddur erlendis Fékk Maggi Hjartans það verk að klára að ganga frá upptökum á laginu og eftir það fullunnu þeir Maggi og Björgvin svo lagið.
Söngur: Sigga Beinteins, Stefán Hilmarsson, Bubbi Morthens ; Bakraddur: Magnús Kjartansson - Undirleikur og forritun: Máni Svavarsson - Stjórn upptöku: Magnús Kjartansson - Lokafrágangur: Máni Svavarsson, Magnús Kjartansson og Björgvin Halldórsson.

7 og 8) Lögin samdi Bubbi sérstaklega fyrir Papanna og plötu þeirra Leyndarmál frægðarinnar sem inniheldur nokkra af helstu smellum Bubba í flutningi sveitarinnar.

9) Lag sem Bubbi fékk Eyþór Inga eftir að hafa unnið í Bandinu hans Bubba en sú sveit stendur að baki Eyþóri og annast undirleik.

10) Óskar Páll átti greiða leið að söngvakeppni Sjónvarpsins eftir að hafa sigrað árið 2009 með lag í flutningi Jóhönnu. Bubbi bauðst til að semja með honum lag sem tók þátt í forkeppninni 2010 og fengu þeir Færeyska söngvarann Jógvan Hansen til að syngja lagið sem fór áfram í úrslit og hafnaði þar í örðu sæti.
Jógvan Hansen: Söngur ; Alma Guðmundsdóttir: Bakraddir ; Friðrik Ómar Hjörleifsson: Bakraddir ; Heiða Ólafsdóttir: Bakraddir ; Óskar Páll Sveinsson: Hljómborð ; Jakob Smári Magnússon: Bassi ; Börkur Hrafn Birgisson: Gítar ; Arnar Geir Ómarsson: Trommur ; Útsetning og stjórn upptöku: Óskar Páll Sveinsson ; Hljóðritað í Draumi í Kjós ; Hljóðritun og hljóðblöndun: Óskar Páll Sveinsson.

11) Bubbi samdi lagið og hljóðritaði, og setti það síðan strax í spilun á Bylgjunni og Rás 2. Lagið Strákarnir okkar sem tileinkað er Íslenka landsliðinu í handbolta. Lið Íslands var þá að taka þátt í heimsmeistaramóti. Lagið var þó ekki fyrr komið í spilun en allt fór á verri veg. Því eftir að hafa unnið alla leiki sína í undariðli tapaði liðið öllum meikjum sínum í milliriðli og spilaði loks um 5. sæti í úrslitum. Samkvæmt óáræðanlegum heimildum varð einhver galli á því eintaki örsök þess að lagið fór t.d. ekki inn á tónlist.is eins og áætlað hafði verið.