![Bubbi - Frelsi til sölu Bubbi - Frelsi til sölu](https://gamli.bubbi.is/images/stories/plotur/Frelsi_til_86.jpg)
Lag og texti: Bubbi Morthens
Líttu ekki í augun mín.
Litlaus villtu þau stúlkum sýn.
Þær sögðu þau hrein sem brúðarlín.
Sjá svart tóm við þér gín.
Kysstu varir mínar varlega.
Varastu allt það fallega
sem rignir úr spilltum munni.
Það rífur sem þyrnirunni.
Lifað hefur áður langar nætur Rússlands.
Leið þín stefnir þangað það sýnir lófinn þinn.
Við þokuslungna vegi vættir stíga dans.
Varast skaltu að stoppa þó fölva slái á kinn.
Heitur titraði barmur þinn.
Heitur votur var kossinn þinn.
Ástin döggvar augu þín.
Ástin glepur sýn.
Það heimsækja mig draumar í hyldýpið mitt svarta.
Ég hræðist ekki framar þann álagadóm.
Áttavilltur geng ég oft um holar nætur.
Ein átt þú að hljóta mitt dimmrauða blóm.
Horft hef ég í augun þín
hulin bakvið hrímgrá ský.
Birtust mér þar örlög mín
blástjörnum tveimum í.
Vinsældalistar
#1. sæti DV - Rás 2 (12.12.1986) 12. vikur á topp 10
#1. sæti DV - Bylgjan (5.12.1986) 11. vikur á topp 10
Lagið má finna á eftirtöldum útgáfum