![Bubbi Sól að morgni Bubbi Sól að morgni](https://gamli.bubbi.is/images/stories/plotur/soladmorgni.jpg)
Sjá myndband við þetta lag á Tónlist.is HÉR
Lag og texti: Bubbi Morthens
Í rauðbláu húmi sólin sest niður
yfir sjónum er miðnæturfriður
þar er vitinn sem vakir allar nætur.
Varlega aldan snerti okkar fætur.
Sporin í sandinum hverfa eins og árin
eins hefur gróið yfir gömlu sárin.
Og jörðin hún snýst um sólina, alveg eins og ég
og jörðin hún snýst um sólina, alveg eins og ég.
Dimmblá skýin skreyta sjónarhringinn.
Þú skoðar sem barnið þarabynginn
og hlátur þinn fyllir mig fögnuði þess
sem finnur að lífið hefur valið honum sess
við hlið hennar allt þar til lífinu lýkur.
Að lifa með henni það er að vera ríkur.
Og jörðin hún snýst um sólina, alveg eins og ég
og jörðin hún snýst um sólina, alveg eins og ég
jörðin hún snýst um sólina, alveg eins og ég.
Svo loka ég augunum örlitla stund
augnablikið á sinn hljóðláta fund.
og hjartað hvíslar ástin er göldrótt
og hafið verður eitt augnablik hljótt.
ást okkar er orðin stór og sterk.
Ég elska þig mitt fallega furðuverk.
Og jörðin hún snýst um sólina, alveg eins og ég
og jörðin hún snýst um sólina, alveg eins og ég
og jörðin hún snýst um sólina, alveg eins og ég
jörðin hún snýst um sólina, alveg eins og ég.
Lagið má finna á eftirtöldum útgáfum