Lag: Mike Pollock, texti: Bubbi Morthens
Hvað sem ég gerði, það var aldrei nógu gott
ef búrið er opnað flýgur fuglinn á brott.
Hugur minn var stormur, kalin hjartarót
næturnar voru martröð, dagurinn sárabót.
Þína leið ég reyndi, það dró úr mér mátt
það varð allt svo litlaust, lítt spennandi og grátt
Þú reyndir að bera klæði á vopnin, biðja um sátt
en í þetta sinn var boginn spenntur of hátt.
Þú hittir mig á götu spyrð hvort heilsan sé góð
augu þín tjá mér hatur, hjartað öskrar á blóð.
Ég gerði þér greiða það var liðið, þú hlóst
þú hafðir mig að fífli og ég gerði mér það ljóst.
Músíkin var keppinautur sem þú réðir ekki við
Þú skyldir aldrei þrá mína að komast á svið.
Ástæðan að ég fór var ekki út af annarri ást
músíkin á hjarta mitt og hefur alltaf átt.
Lagið má finna á eftirtöldum útgáfum