Lag og texti: Bubbi Morthens
Maðurinn trúir hann sé herra móður jarðar
Jörðin er náma sem þarf að skila auð.
Maðurinn hann sveltir börn sinna bræðra
sem dreymir ekki gullið aðeins brauð.
Maðurinn trúir hann sé tæknilega greindur
telur sig inni og veit hvað er svalt.
Maðurinn er tengdur og trúir blint á netið
tilfinningalíf hans er flatt og kalt.
Maðurinn er einn, maðurinn er einn
og veröldin verður minni og minni.
Maðurinn hann telur ástina tímasóun
trúir á kynlífið nakið og hrátt.
Maðurinn leikur guð og grýtir eigið hjarta
glímir við sjálfan sig fínnur enga sátt.
Maðurinn hann trúir á frægðina og frama
friðlaus í neyslunni týnir sjálfum sér.
Maðurinn gekk frá guði götuna breiðu
Guð minn ég bið þig ekki gleyma mér.
Maðurinn er einn, maðurinn er einn
og veröldin verður minni og minni.
Lagið má finna á eftirtöldum útgáfum