Arfur - 1998
Lag og texti: Bubbi Morthens (textinn byggður á gömlu vikivakakvæði)
Nú sitja þeir og drekka drauma úr glösum
drengirnir með slifsin og kollvikin há.
Á stalli sínum háum híma þeir fölir
og horfa niður mannheima á.
Hér komst ekki gleðin á
elskulega systir.
Við skulum dansa betur þegar birtir.
Nætur langar reika með rauða hvarma
raunaleg eru hljóðin sem hljóma þeim frá.
Þeir seldu landið, logar gull í haugum.
Lifandi dauðir friðinn sinn fá
Nú sitja þeir og drekka drauma úr glösum
drengirnir með slifsin og kollvikin há.
Holir eru að innan, enga hafa skugga.
Aldrei í mannheimum dansað þeir fá.
Aldrei í mannheimum dansað fá dauðir.
Dagana björtu aðeins geta þráð.
Hefnist þeim sjöfalt sem svíkja landið.
Svitna þá í víti, hljóta enga náð.
Lagið má finna á eftirtöldum útgáfum