Lag og texti: Bubbi Morthens
Þú vaknar inn í nýja dögun
lýgin grær fallega græn
Þú lætur sem þú sjáir ekkert
ert hjálpsöm og væn.
Ó, þessir dagar sem koma
færandi hendi
vonin sem Guð sendi
Þú hellir í glasið
sama rólega fasið
og hlærð út í eitt.
Þú sofnar inn í nýtt myrkur
lýgin svo saklaus að sjá
Gengur um hús þitt nakin
fyllir þig sjúkri þrá.
Ó, þessir dagar sem koma
færandi hendi
vonin sem Guð sendi
Þú hellir í glasið
sama rólega fasið
og grætur út í eitt.
Regnið elskar landið
vindurinn fylgir með
blómin hanga hnípin
svo grátt er orðið þitt geð.
Þessir dagar sem koma
færandi hendi
vonin sem Guð þér sendi.
Er þú hellir í glasið
sama dapra fasið
og drekkur út í eitt.
Athugsemd
Eitt óútgefinna laga. Flutt á tónleikum 2006, m.a. á þematónleikum á Nasa.