Kona 1985

Lag og texti: Bubbi Morthens 

Uppi í risinu sérðu lítið ljós
heit hjörtu, fölnuð rós.
Matarleifar, bogin skeið
undan oddinum samviskan sveið.

Þau trúðu á draumamyrkrið svalt
draumarnir tilbáðu þau.
Fingurnir gældu við stálið kalt
lífsvökvann dælan saug.

Draumarnir langir runnu í eitt
dofin þau fylgdu með
sprautan varð lífið, með henni gátu breytt
því sem átti eftir að ske.

Uppi í risinu lágu og ófu sinn vef
óttann þræddu upp á þráð.
Ekkert gat skeð því það var ekkert ef
ef vel var að gáð.

Hittust á laun, léku í friði og ró,
í skugganum sat Talía.
Hvítir hestar drógu vagninn með Rómeó,
við hlið hans sat Júlía.

Trúðu á draumamyrkrið svalt
draumarnir tilbáðu þau.
Rómeó - Júlía
Rómeó - Júlía.

Þegar kaldir vindar haustsins blása
naprir um göturnar,
sérðu Júlíu standa, bjóða sig hása
í von um líf í æðarnar.

Því Rómeó villtist inn á annað svið
hans hlutverk gekk ekki þar.
Of stór skammtur stytti þá bið
inni á klósetti á óþekktum bar.

Hittust á laun , léku í friði ...

Lagið má finna á eftirtöldum útgáfum

• Bubbi - Kona (1985)
• Bubbi - Blús fyrir Rikka (1986)*
• Ýmsir - Hornsteinar (1992)
• Bubbi - Sögur 1980-1990 (1999)
• Ýmsir - Óskalögin 7 (2003)
• Úr kvikmynd - Blindsker, saga Bubba Morthens (2004)
• Ýmsir - Acoustic Iceland (2005)
• Bubbi - Kona (2005)*
• Bubbi - 06.06.06 (2006 aðeins á DVD útgáfunni)
• Ýmsir - 100 bestu lög lýðveldisins (2008)
• Bubbi - Bubbi og Stórsveit Reykjavíkur (DVD, 2008)
• Ýmsir - 100 Íslensk lög í fríið (2010)
• Bubbi - Sögur af ást landi og þjóð 1980 - 2010 (2010)

Í flutningi annara á eftirtöldum útgáfum

• Papar - Leyndarmál frægðarinnar (2004)
• Friðrik Ómar og Jogvan Hansen - Rómeó og Júlía (SD), kynningarútg. 2009)
• Friðrik Ómar og Jógvan Hansen - Vinalög (2009)*
• Jogvan Hansen - Það er bara þú - 38 lög um ástina (2011)

Athugasemd:

Friðrik Ómar og Jogvan Hansen syngja saman á kynningarútgáfunni sem gerð var fyrir útvarp á Íslensku og Færeysku. Á plötunni Vinarlög syngur Jogvan lagið einn á Færeysku. Þýðinguna gerði Bogi Godtfred.