Undir valmyndinni Plötur finnur þú allar plötur Bubba frá upphafi ásamt myndum af plötalbúmum, lista yfir lög og texta.
Í gagnagrunninum okkar eru öll lög og textar Bubba.
Notaðu leitina til að finna það lag sem þú ert að leita að.
Taktu þátt í umræðunum á spjalltorginu.
Athugaðu að þú verður að vera innskráður til að hafa aðgang.
Undir valmyndinni tímalína er rakin saga Bubba.
Undir Molar eru margir skemmtilegir pistlar.
Lag og texti: Bubbi Morthens
Við sjónarhringinn hrannast upp dökk ský
Ég sé dauðans stríðsbumbur berja
ég heyri barnagrát og vopnagný
og fótatak þúsunda manna sem herja
á sannleikann og traðka hann niður
Í stríði er það fastur liður
Ég sé fjölmiðla réttlæta lygina ljóta
að frelsið krefjist fórna, þeir segja.
Klukkan tvö í beinni þeir fara svo að skjóta
og börnin klukkan átta byrja að deyja
og sannleikann þeir traðka niður.
Í stríði er það fastur liður.
Ég sé ofursta mæta og mæra stríðstólin
blóðvellinum fjarri og brosandi fagna
með fjögrastjörnuorðum og böðulsólin
hengir þá sem vilja ekki þagna.
Og sannleikann traðka þeir niður
Í stríði er það fastur liður.
Ég sé fallna stráka stirðnaða og kalda
stjarfa í framan á svipinn hissa
eins og augnablikið þegar byssan falda
skaut kúlunni sem hjartað var dæmt til að kyssa
sæju þeir sannleikann falla niður
Í stríði er það fastur liður.
Ég sé pólitíkusa á fjórum fótum skríða
fylgispaka sem lúbarða rakka
þeir dilla sinni rófu og herrunum hlýða
fá að vera með, fyrir það skal jú þakka
og sannleikann snúa niður.
Í stríði er það fastur liður.
Lagið má finna á eftirtöldum útgáfum