Undir valmyndinni Plötur finnur þú allar plötur Bubba frá upphafi ásamt myndum af plötalbúmum, lista yfir lög og texta.
Í gagnagrunninum okkar eru öll lög og textar Bubba.
Notaðu leitina til að finna það lag sem þú ert að leita að.
Taktu þátt í umræðunum á spjalltorginu.
Athugaðu að þú verður að vera innskráður til að hafa aðgang.
Undir valmyndinni tímalína er rakin saga Bubba.
Undir Molar eru margir skemmtilegir pistlar.
Lag og texti: Bubbi Morthens
Það er myrkur og maðurinn sefur
óvær undir sæng
Á tjörninni er önd undir brúnni
örmagna með brotin væng.
Börnin og konan þau kúra
kannski var ekkert að
Samt eitthvað lá í lofti
Á hnjánum einhver bað.
Það er vetur og vindurinn næðir
Volaða ísaða land
Jakkalakkarnir í brúnni
búnir að sigla í strand.
Það er vetur og vindurinn næðir
Vonin er hnýpin og aum
Þeir hnýttu þjóðinni snörur
og ráku út í óvæðan straum.
Og fólkið er fallbyssufóður
og þeir fyrstu sem fara í kaf
verða Gummar, Jónur og Gunnur
en þeir seku komast alltaf af.
Heimili landsins hrynja
Vígvöllinn finnur þú þar
og bankinn sem blóðið þitt drekkur
er að hirða úr þér taugarnar.
Það er vetur og vindurinn næðir
Volaða ísaða land
Jakkalakkarnir í brúnni
búnir að sigla í strand.
Það er vetur og vindurinn næðir
Vonin er hnýpin og aum
Þeir hnýttu þjóðinni snörur
og ráku út í óvæðan straum.
En lífið það áfram rúllar
Ástin blómstrar hvern dag
Börn halda áfram að fæðast
og vorið á ósungið lag.
En þingmenn í öllum flokkum
eiga sinn hrollkalda draum
og þurfa hann aldrei að borga
né vaða hinn óvæða straum.
Það er vetur og vindurinn næðir
Volaða ísaða land
Jakkalakkarnir í brúnni
búnir að sigla í strand.
En þingmenn í öllum flokkum
eiga sinn hrollkalda draum
og þurfa hann aldrei að borga
né vaða hinn óvæða straum.
Athugasemd
Frumflutt í Færibandinu 26. janúar 2009