Í mynd 1982
Lag Ego, texti: Bubbi Morthens
Ó, segðu mér faðir hvað fengum við
í erfðir frá þér og þínum.
Græna reiti, stálgrá hús
ábyrgð sem hæfir svínum.
Þú lagðir þá skyldu á herðar oss
að bylta, berjast og breytast.
Við skilnaðinn gafstu votan koss
gamall, farinn að þreytast.
Við trúðum blint á vísdóm þinn
allt var reynt til þrautar.
Allir áttu að hugsa um garðinn sinn
hélstu að enginn mundi hlaupa.
Á hlaupum við leituðum sannleikans
sem reyndist vinafár.
Við leituðum í dópi, stigum djöfladans
ó, ég man ekki hversu mörg ár.
Ég veit það núna, faðir minn
eftir öll þessi ár.
Sannleikur þinn er ekki sannleikur minn
þó stundum geti hann verið sár.
Lagið má finna á eftirtöldum útgáfum