Í 6 skrefa fjarlægð frá Paradís 2005
Lag og texti: Bubbi Morthens
Ég get ekki lengur látist
ég sé bara sífellt þig
eitthvað skrítið er að gerast
og það er að hellast yfir mig.
Er falleg og fínlega vaxin
ég finn bara ekki neitt
loka augum en ekkert skeður
sál mín er löskuð og þreytt.
Ég get bara ekki sofið hjá
ég get bara ekki sofið hjá.
Minnir á hind og hún brosir
blíðlega snertir hún mig
hljóður ég horfi á hana
en ég sé bara þig.
Hún hvíslar þetta er í lagi
stendur upp og klæðir sig
ég ligg og stari út í myrkrið
og sé bara þig.
Ég get bara ekki sofið hjá.
Lagið má finna á eftirtöldum útgáfum