Your Joomla! Site

Bubbi í hljóðveri við upptökur

Janúar 2011 Bubbi er við upptökur nýrrar sólóplötu ásamt sveit sem kallar sig Sólskuggana. Auk þess sem hann var að semja efni og byrja undirbúning á að taka upp plötu með jólalögum.

14. janúar 2011 Bubbi setur í spilun lagið Strákarnir okkar sem tileinkað var Íslenska landsliðinu í handbolta sem þá var að taka þátt í heimsmeistaramóti. Lagið var þó ekki fyrr komið í spilun en allt fór á verri veg. Því eftir að hafa unnið alla leiki sína í undariðli tapaði liðið öllum leikjum sínum í milliriðli og spilaði loks um 5. sæti í úrslitum.

2. mars 2011 Bubbi mætti í hljóðstofu Bylgjunnar hjá Rúnari Róberts sem spjallaði aðeins við hann um væntanlega plötu. þar var og frumflutt lagið Ísabella af væntanlegri ,,Soul" plötu Bubba. 

16. mars 2011 Bubbi og félagar leggja lokahönd á Enginn vill elska feita stelpu, í stúdíó Sýrlandi. Það var eitt laga hans næstu plötu.

7. apríl 2011 Lagið Ísabella fer á toppinn yfir mest spiluðu lögin á Íslandi. En talsverður tími var þá síðan Bubbi hafði sem sólóisti átt lag á toppi þess lista.

5. maí 2011 Blik þinna augna fer í spilun útvarpsstöðva og sölu á tónlist.is. Þriðja lagið af væntanlegri plötu Bubba og Sólskugganna.

2. júní 2011 Bubbi boðar í pistli sínum á Pressan.is að hann komi ekki til með að spila í Hörpu meðan ríkjandi stjórn sitji þar. Ástæðuna rakti Bubbi í umræddum pistli. Tóku fleiri tónlistarmenn undir þá yfirlýsingu og nokkrir aðdáendur Bubba einnig. Bubbi gagnrýndi val á tónlistarfólki sem kom fram á opnunarhátíð Hörpu og fannst honum heldur hallað á þá sem fremstir stóðu í íslenskri popptónlist. Þá gagnrýndi hann ýmsa þætti er varða rekstur hússins og þá skilmála sem tónlistarmenn verða að undirgangast til að fá að spila í húsinu.

6. júní 2011 Formlegur útgáfudagur plötunnar Ég trúi á þig. Platan var þó boðin á tónlist.is tveim dögum fyrr. Og komst ekki í verslanir fyrr en 2. dögum eftir útgáfudag. En Færibandið var á dagskrá þetta kvöld og þar ræddi Óli Palli við Bubba og saman renndu þeir í gegnum plötuna og ræddu um hana milli laga. Þátturinn hafði verið tekinn upp nokkru áður því Bubbi eyddi afmælisdeginum ásamt fjölskyldu í Kaupmannahöfn.

14. júní 2011 Bubbi gerist meðstjórnandi í þætti Rásar 2. Virkir morgnar í eina viku og er þar með Gunnu Dís.  Meðal þess sem fram kom í fyrsta þættinum var að ýmsu hafði verið stolið frá Hugleiki Dagssyni m.a. fartölvu sem innihélt margvísleg gögn og vinnu hans. Bubbi skoraði þar á alla  m.a. aðila undirheimanna, og þá sem haft gætu áhrif á að Hugleikur fengi aftur gögnin sín stuðluðu að því að svo yrði. og viti menn nokkrum dögum síðar barst harði diskur tölvu Hugleiks til þáttarins á Rás 2 og endurheimti Hugleikur því vinnu sína aftur. Það má því segja að Bubba hafi tekist það sem heilli ríkisstjórn hafði ekki tekist það er að fá þjófana til að skyla hluta af þýfinu aftur

Bubbi á útgáfutónleikum í Hofi

16. júní 2011 Bubbi og Sólskuggarnir með útgáfutónleika í Hofi, Akureyri í beinni á Rás 2. Sama dag var platan Ég trúi á þig komin í 1. sæti Íslenska sölulistans.

17. júní 2011 Bubbi og Sólskuggarnir með tónleika á Akranesi.

31. júní 2011 Bubbi kom fram á Þjóðhátíð í Eyjum að venju.

20. ágúst 2011 Menningarnótt í Reykjavík og Bubbi ásamt Sólskuggunum koma fram á stórtónleikum Rásar 2. Ásamt fjölda annarra listamanna. Bubbi þótti ekki eiga sinn besta kvöld enda voru slæmska í hálsi að stíra honum. Fyrr um kvöldið hafði Bubbi einnig stígið á svið á 25 ára afmælistónleikum Bylgjunnar sem fram fór á Ingólfstorgi.

20. september 2011 Bubbi heldur í tónleikaferð um landið undir yfirskriftinni Ég trúi á þig. Í þessum hluta ferðarinnar voru 10 tónleikar á suðvesturlandi og norðurlandi.  Byrjað var í Borgarfirði en endað á Sauðárkróki 2. október

6. október 2011 Stórtónleikar í Háskólabíói með Bubba og Sólskuggunum, Síðbúnir útgáfutónleikar ef svo má segja. Gestir kvöldsins voru þau Greta Morthens og Berndsen.

15. október 2011 Veikindi Bubba komu í veg fyrir að Bubbi kæmi fram á Airwaves í fyrsta sinn, að vísu sem gestur Brendsen en lag hans Úlfur úlfur hafði notið mikilla vinsælda eins og flestir muna.

29. október 2011 Veiðisögur Bubba koma út og að því tilefni var efnt til útgáfuteitis í Rafveituheimilinu í Elliðarárdalnum. Þar sem Bubbi tók einnig ein tvö lög fyrir gesti.

Nóvember 2011 Bubbi byrjar að taka upp demó fyrir næstu plötu sem hlaut vinnuheitið Þorpið. Þegar þeim upptökum lauk seinnihluta desember voru 18 demó komin á band.

4. nóvember 2011 Áframhald af tónleikaferð Bubba um landið undir yfirskrift síðustu plötu sinnar Ég trúi á þig. Í þessum legg ferðarinnar voru einir sex tónleikar haldnir og hófst leikurinn í Vík í Mýrdal en lauk í Hlégarði í Mos 13. nóvember.

21. desember 2011 Bubbi efndi til Þorláksmessutónleika í Hofi á Akureyri. Uppselt var á tónleikana sem fengu jákvæðar undirtektir heimamanna.

23. desember 2011 Árlegir Þorláksmessutónleikar í Háskólabíói í beinni útsendingu Bylgjunnar. Það þótti hátíð að ekki voru settar fréttir né auglýsingar ofan í tónleikana þetta árið. Elín Ey sá um að opna tónleikana með nokkrum lögum og var flott.  

2. janúar 2010: Vinsældalisti Rásar 2 kynntur þar kemur fram að lagið Vonin er vina mín er hástökkvari vikunnar og fer upp um 22 sæi í það áttunda.

8. janúar 2010: Tónlist.is gefur út árslista yfir meðs sóttu og spiluðu lögin á vernum tónlist.is. Egóið á þar lag í 1. sæti Í hjarta mér Fjögur lög sveitarinnar eru að finna á topp 30 lista vefsins. Næstu daga á eftir gáfu bæði Rás 2 og Bylgjan út lista sína yfir mest leiknu lög ársins og kom Egóið vel út hjá báðum stöðvum. Því ljóst að plata sveitarinnar 6. október var meðal vinsælustu platna ársins þó hún færi ekki hátt á slíkum listum gagnrýnenda blaðanna.

16. janúar 2010: Lag Bubba Morthens og Óskars Páls; One More Day í flutningi Jógvan kemst áfram í úrslitakeppni Söngvakeppni Sjónvarsstöðva.

20. janúar 2010: Auglýstir hádegistónleikar í Háskóla Íslands aflýst vegna veikinda Bubba.  Þessir tónleikar áttu að verða upphaf tónleikahrinu undir yfirskriftinni Rætur. En Bubb efndi til ferðar um mennta, - og háskóla landsins og stóðu frá janúar fram til mars. Bubbi átti síðan við veikindi að stríða og var tónleikum aflýst framm í febrúar.

Bubbi í hljóðveri í janúar 2010

janúar 2010: Bubbi skrapp í hljóðver og tók þar upp ein sjö gömul blúslög eftir aðra. Efnið var hljóðritað og einnig fest á filmu. Í byrjun febrúar mátti finna þrjá þeirra á vefnum YouTube.com.

6. febrúar 2010: Úrslit í Söngvakeppni sjónvarpsins þar sem Jógvan flutti lag þeirra Páls Óskars og Bubba. Lagið lenti í örðu sæti á eftir lagi Örlygs Smára, Je ne sais quoi, í flutningi Heru Bjarkar.

Febrúar 2010: Í tilefni 30 ára starfsafmælis Bubba var í febrúar tekin ákvörðun um útgáfu safnplötupakka með Bubba sem koma skildi út síðar á árinu. Áætlað var að þar yrði um að ræða 3XCD og DVD.

Febrúarlok 2010: Bubbi hlaut listamannalaun í sex mánuði. Þetta var í fyrsta sinn sem hann hlaut slíkan styrk.

15. apríl 2010: Fyrstu tónleikar Bubba af 18 á ferð um landið í tilefni þess að 30 ár eru liðin síðan ferillinn hófst. Það þótti saga til næsta bæjar að í þessari tónleikatörn sem stóð frá 15. apríl til 8. maí var frítt inn. En Bubbi sagði að tilkoma listamannaverðlaunanna gerði sér þetta mögulegt. Um líkt leiti var ákveðið að ráðast í útgáfu á þrefaldri safnplötu ásamt DVD sem innihéldi gömul myndbönd frá ferlinum.

13. september 2010: Bubbi ásamt aðstoðarmönnum hljóðritað lagið Sól fyrir safnplötuna Sögur af ást landi og þjóð. En Bubbi ákvað skömmu áður að vinna heila pllötu í anda soul-tónlistarinnar. Lagið fór í spilun nokkrum dögum síðar.  

4. nóvember 2010 Áætlaður útgáfudagur safnplötunnar Sögur af ást landi og þjóð. en platan barst þó ekki til landsins fyrr en nokkrum dögum síðar, útgáfudagur hennar var því skráður 11. nóvember..  

11. nóvember 2010 Bubbi með tónleika undir yfirskriftinni TOPP 20 í Austurbæ ásamt hljómsveit í tilefni útkomu safnplötunnar. Platan kom út sama dag. 

6. desember 2010 Bubbi mætir í spjall á Rás 2 og frumflytur þar nýtt jólalag; Röðin.  Í viðtalinu kemur fram að hann sé að fara sama dag að hljóðrita þetta lag.

10. desember 2010 Lagið Röðin fer í spilun útvarpsstöðvana og Bubbi segir frá því á bubbi.is að hljómsveitin Sólskuggarnir sjái um undirleik í þessu lagi.

Bubbi í beinni hjá Loga

17. desember 2010 Bubbi mætir ásamt hljómsveitinni Sólskuggunum í þátt Loaga Bergman - Logi í beinni og flytja þar lagið Röðin

23. desmeber 2010 Árlegir þorláksmessutónleikar Bubba í Háskólabíó. Sendir út á Bylgjunni. 

5. janúar 2009 Óhætt er að segja að ástandið í Íslensku samfélagi hafi ekki verið burðugt í þessum fyrsta mánuði ársins. Bubbi sem í árslok 2008 hafði kvatt þjóðina til að standa saman hafði nú snúið við blaðinu þar sem honum fannst ráðamenn langt frá því standa sig í aðgerðum til bjargar almenningi og mætti á morgni 5. janúar hjá Óla Palla á Rás 2 og stuttu síðar hjá Ívari á Bylgjunni með nýtt lag “Kannski varð bylting vorið 2009”

Read more: 2009

2. janúar 2008 Bubba var ekki til setunnar boðið. Fyrirhugaðir tónleikar með Stórsveit Reykjavíkur voru framundan 4. og 5. janúar og því er æft þennan dag. Ljósmyndarar blaða og tímarita mæta á svæðið og mynda Bubba við æfingar. Þá birti Fréttablaðið fyrirhugaðan lagalista kvöldsins. Pakkinn var flottur með lögum eins og Lög og regla, Aldrei fór ég suður, Þorskacharleston, Sumar konur, Rómeó og Júlía, Kossar án vara, Eina nótt í viðbót, Frosin gríma, Þingmannagæla svo dæmi séu tekin. Já framundan var auðsjáanlega eyrna- og augnakonfekt.

Read more: 2008