Undir valmyndinni Plötur finnur þú allar plötur Bubba frá upphafi ásamt myndum af plötalbúmum, lista yfir lög og texta.
Í gagnagrunninum okkar eru öll lög og textar Bubba.
Notaðu leitina til að finna það lag sem þú ert að leita að.
Taktu þátt í umræðunum á spjalltorginu.
Athugaðu að þú verður að vera innskráður til að hafa aðgang.
Undir valmyndinni tímalína er rakin saga Bubba.
Undir Molar eru margir skemmtilegir pistlar.
Lag og texti: Bubbi Morthens
Dagar víns og rósa og rómantískra nátta
reyndust skammlífari en þau vildu bæði.
Nú rignir tárum og tryggðin er dimmur skógur
og ástin er hjá öðru fólki í fæði.
Dagar kulda og gremju ganga hér um húsið.
Gaddavírinn kaupa, víglínan er dregin.
Að morgni þau mætast og sáttmálinn er rofinn.
Mæla ekki orð og ganga út á veginn.
Húsdýragarðinn pabbarnir ganga
fleiri en einn, laugardaga langa.
Einmana hjörtu og hópurinn labbar
stórir og litlir stimpilklukkupabbar.
Það er barist um börnin og orðin ekki spöruð.
Fráskyldum feðrum smalað er í réttir.
Hún fékk allt, þeir þora ekki að kvarta
nema á börunum blóðugar segja fréttir.
Upp á náð og miskunn þeir mega hitta börnin
og mæna á húsið sem þeir byggðu forðum.
Á Macdonalds fara með börnin sín að borða
með brotið sjálfstraust og höfuðfylli af orðum.
Dagar víns og rósa og rómantískra nátta
reyndust skammlífari en þau vildu bæði.
Í skotlínunni börnin lenda saklaus
og hjörtun verða vígvallarsvæði.
Lagið má finna á eftirtöldum útgáfum