Your Joomla! Site

Sól að morgni 2002

Lag og texti: Bubbi Morthens

Menn nýttu sér pólitísk sambönd sín
og sviku,það gerðu þeir.
Það tíðkaðist á tímim kalda stríðsins
og síðan ekki söguna meir.

Þetta gerðist fyrir löngu síðan,en það gerist ekki í dag.
Því þá var það þjóðinni í hag.Því þá var það þjóðinni í hag.

Einu sinni var maður svo múraður
meðan annar átti ekki mat.
Einn flokkur hagnaðist á hernum
í hásæti sínu hann sat.

Þetta gerðist fyrir löngu síðan,en það gerist ekki í dag.
Því þá var það þjóðinni í hag.Því þá var það þjóðinni í hag.

Menn fengu gefins fiskinn í sjónum
frá ráðherrum þessa lands.
Græðgin sig gróf að rótum hjartans
og gerði þar langann stans.

Þetta gerðist fyrir löngu síðan,en það gerist ekki í dag.
Því þá var það þjóðinni í hag.Því þá var það þjóðinni í hag.
Menn stofnuðu flokk og fylktu liði
fram þjáðir sungu þeir.
Meðan foringinn slátraði milljónum manna
og moldin rauða veit meir.

Þetta gerðist fyrir löngu síðan,en það gerist ekki í dag.
Því þá var það þjóðinni í hag.Því þá var það þjóðinni í hag.

Hálendið lögðu menn undir vatn
og lugu sig undir grjót.
Fossana tömdu í túrbínudans
yfir mosann flæddi fljót.

Þetta gerðist fyrir löngu síðan,en það gerist ekki í dag.
Því þá var það þjóðinni í hag.Því þá var það þjóðinni í hag.

Ráðamönnum þeim lærðist það létt
að lögin væriu stálið.
Til að temja sauðsvartann almúgann
og fleygja sumum á bálið.

Þetta gerðist fyrir löngu síðan,en það gerist ekki í dag.
Því þá var það þjóðinni í hag.Því þá var það þjóðinni í hag.

Og ef hlutirnir ennþá eru svona
þá eflaust er það svarið.
Af lögfróðum varið.

Ef það gerist ekki í dag,þá gerist það á morgun.
Því þá er það þjóðinni í hag,því þá er það þjóðinni í hag.
Því þá er það þjóðinni í hag,því þá er það þjóðinni í hag.

Lagið má finna á eftirtöldum útgáfum

• Bubbi - Sól að morgni (2002)