Your Joomla! Site

Lag og texti: Megas

Ef þú heldur að þú ein getir gengið hjá
horft í gegnum allt án þess að heyra eða sjá
hverju sem þú kannt að vera að flíka
þá skjátlast þér góða því þú gleymir smá
og gáðu að því áður en þú heldur á stjá
ég get líka.

Ef þú heldur þú ein vaðir inn í hjarta mitt
og herleiðir það loks þegar upp hefur stytt
og látir þig síðan hverfa kerling sem slíka
þér á eftir að fatast flugið þitt
fleirri geta plottað sitt
ég get líka.

Ef þú heldur að þér einni sé heimilt að fá
já, höndla það sem engum öðrum leyfist að sjá
þótt þú urrir svona grimmt í hópi geltandi tíka
þá skeikar þig einu sinni oftar en má
og það er varla gustuk að segja frá
en ég get líka.

Þú ert af göfugum stofni, glæsilegu kyni
þú gengur upp og klófestir boðlega vini
í reiðufé ertu rífleg summa
og þú rennur út eins og heit lumma.

Ef þú heldur að þú ein getir hunsað af list
hugvit og kostgæfni útskúfað og fryst
já talið þig til þess nógu ríka
þú gætir vaknað upp í annari vist
þið ógæfan gætuð snögglega hist
því ég get líka.

Ef þú heldur að þú sért seif þar sem þú eigrar um
svo ónæm í skemmtigferð á vígvellinum
með blómaskreittan hatt á höfði, þú og þín klíka
þá fylgist þú ekki nógu vel með fréttunum
þú feilar enn á smáatriðum
þú getur brunnið líka.

Þú ert af glæpsamlegri stétt og grumsamlegu kyni
þú gerir kröfur og neglir vænlega  syni
reiknuð til fjár eru rosaleg summa
en þú rennur út eins og heit lumma.

Ef þú hyggur að þú ein getir horft í gegnum mig
með þessum hroka svip sem raunar klæðir þig
og rigsað framhjá svona glóandi gullpíka
það komast fleirri á þetta fullkomana stig
og það finnur hver sjálfan sig
því ég get líka
ég get líka….

Lagið má finna á eftirtöldum útgáfum 

Megas - Þrír blóðdropar (1992)