6. október 2009
Lag og texti: Bubbi Morthens
Þau misstu bæði vinnuna
veröldin hrá og grimm
læddist inn um gluggann
þá var nóttin ennþá dimm.
Skömmin sefur milli þeirra
eitt bak getur orðið kallt.
Hugsanir í myrkri vafra
skilja spor út um allt.
Hann situr skoðar myndir
hún grætur í koddann sinn
börnin vaka skynja óttann
sem læðist til þeirra inn.
Lífið heldur áfram
valtar yfir hvern þann
sem er ekki tilbúinn að berjast
það ekkert annað kann.
Lagið má finna á eftirtöldum útgáfum