Fingraför 1983
Lag og texti: Bubbi Morthens
Þú paufaðist um götur í allri þinni smæð
klæddur kuldaúlpu, tæpur meter á hæð
með sultardropa í nefi
gjóaðir þú glyrnum
á fótleggi á Jóhönnum, Sigríðum og Birnum.
Þú varst siðspillingin holdtekin í augum ungra meyja
að vera snert af Leibba dóna, nei
þá væri betra að deyja
Leibbi dóni.
Oft hékkstu niðri á tjörn álútur og hokinn
hímdir bak við Iðnó, síðan varstu rokinn
uppí Hallargarði að huga að hverju, guð má vita
en kannski varstu bara að reyna að halda á þér hita.
Kalt vatn milli skinns og hörunds hverri telpu rann
sem á göngu sinni um garðinn rakst á þennan mann
Leibbi dóni.
Lagið má finna á eftirtöldum útgáfum